Əziz bədii gimnastikanın dostları,
Bədii gimnastika üzrə Avropa çempionatı yenidən Bakıda keçiriləcəkdir. 2007-ci ildə Bakıda keçirilən bədii gimnastika üzrə Avropa çempionatının uğurlu təşkilatından sonra, Avropa Gimnastika İttifaqı bilir ki, təşkilatçı Federasiya və Azərbaycan hökuməti ilə birgə, Bakı turnirin səlahiyyətli və peşəkar sahibi olacaqdır.

Mən çox qürur duyuram və minnətdaram ona görə ki, Azərbaycan Gimnastika Federasiyası bir daha Avropa Gimnastika İttifaqının 2009-cu ildə keçiriləcək ən mühüm yarışlarından birinin təşkilatçılıq məsuliyyətini öz üzərinə götürür.

Mən Avropa Gimnastika İttifaqı adından, Təşkilat Komitəsinə və onun üzvlərinə gördükləri işə görə səmimi minnətdarlığımı bildirmək istəyirəm.

Avropa Gimnastika İttifaqı və Təşkilat Komitəsi artıq bütün iştirakçıları salamlayır və onlara uğurlu yarışlar arzulayır.